თანამედროვე ამერიკელის წუხილიდან:

"... ესაა დიდი ადამიანების და წვრილფეხა კაცუნების, დიდი სახლების და დანგრეული ოჯახების, მეტისმეტად ბევრი სმის და ჭამა-ყლაპის დრო..." 

Опубликовано 13/04/2011 автором innervoice

ჯორჯ დენის პატრიკ კარლინი (ინგლ. George Denis Patrick Carlin; 1937 წლის 12 მაისი— 22 июня 2008 წლის 22 ივნისი) -სტენდ-აპ კამედის ჟანრის ამერიკელი კომიკოსი, ოთხი პრემია გრემის და მარკ ტვენის პრემიის მფლობელი, 5 წიგნის და 20-ზე მეტი მუსიკალური ალბომის ავტორი. გადაღებულია 16 ფილმში. 

კარლინი ცნობილია პოლიტიკური გამჭრიახობით, შავი იუმორით, მისი ლინგვისტური დაკვირვებებით, დაკვირვებებით ფსიქოლოგიის, რელიგიის სფეროებში და მონოლოგებით მრავალ აკრძალულ თემაზე. ის რაღაცით ერთხელ ისე გაერთო რომ აშშ-ს უმაღლესი სასამართლოს განხილვის საგნადაც იქცა.

ბოლშევიკური და შუა საუკუნეების მონუმენტური პროპაგანდების შედარებისთვის

ცუდი მმართველობის ალეგორია, ტირანი. //პერესტროიკის ტროცკისტი პრარაბი//

სხვადასხვანაირია ხოლმე  მონუმენტური პროპაგანდა. ასე მაგალითად 1918-1921 წლებში ბოლშევიკები უდგავდნენ ძეგლებს იუდა ისკარიოტს რაც არის ყველაფერთან ერთად ანტიქრისტიანული კერპთაყვანისმცემლობის მაგალითი.

თაყვანი უნდა სცეთ არა სიყვარულის ქადაგს, არამედ მის 30 ვერცხლად 

 გამყიდველს. ასეთია ბოლშივიზმის ერთ-ერთი მთავარი მცნება.

1918 წელს  ლენინის სახელობის სამხედრო-მოძრავ საფრონტო ლიტერატურულ მატარებელზე ტროცკიმ,ვსევოლოდ ვიშნევსკიმ,დემიან ბედნიმ და სხვებმა ქალაქ სვიაჟსკში ჩაიტანეს იუდას ძეგლი.

ბოლშევიკების მიერ ცოცხლად დამწვარ მხატვარზე და მის დევნილ მეგობრებზე:

მხატვრების ბედი ბოლშევიკების ხელში-ევგენი რუხინის და კონსტანტინე ლაკერბაის ხსოვნას:

ბოლშევიკების მიერ დევნილი და ცოცხლად დამწვარი მხატვრები, ესენი არ წარუდგენიათ ნობელის პრემიაზე...

ჯერ ეს - აფხაზი მხატვარი კონსტანტინე მურზაყანის ძე ლაკერბაი შეესწრო იმას თუ როგორ შეაგდეს ბოლშევიკებმა  გემის გახურებულ ღუმელში და ცოცხლად შეწვეს მისი ნეგობარი და ნათესავი ნიკოლოზ მელიტონის ემუხვარი.

მხატვარმა ეს ვერ აიტანა და 1918 წელს თავი მოიკლა. სამწუხაროდ მე ვერ ვნახე მისი ნამუშევრების ფოტოები.

ცნობისთვის - აფხაზი ნიკოლოზ ემუხვარი ცოცხლად დაწვეს ლენინისა და სტალინის თანამებრძოლი და სტალინის პირადი მეგობარი აფხაზი ნესტორ ლაკობას ხალხმა. რატომ? 

ცოცხლად შემწვარი ემუხვარის ნათესავმა ასევე აფხაზმა არზაყან ემუხვარმა, ვინც იყო თარაშ ემხვარის პროტოტიპი და საქართველოს დამფუძნებელი კრების წევრი, ხელი მოაწერა საქართველოს დამოუკიდებლობის აქტს. მერე როგორც აფხაზური ეროვნული საბჭოს წევრმა ხელი მოაწერა აქტს დემოკრატიული საქართველოს შიგნით აფხაზეთის ავტონომიის შესახებ. ამიტომ გამხეცებული ლაკობას და მისი კომპანიის ბრძანებით ჯერ მისი ნათესავი შეწვეს ცოცხლად და მერე ნკვდმ პარიზში ბოლო მოუღო არზაყან ემუხვარსაც....

რა აფიქრებთ ევროპელებს,ბედნიერების ძიებაზე:

რა აფიქრებთ ევროპელებს, ბედნიერების ძიებაზე:

ესეც ევროპაა - თუ მოახერხებ  ირგვლივ მყოფ ხალხთან ადამიანური და თანაგრძნობაზე, სოლიდარობაზე დაფუძნებული ურთიერთობების დამყარებას  ოსვენციმშიც კი შეიძლება იყო ბედნიერი ყოველგვარი ნარკოტიკის და ლოთობის გარეშე. ამას გვეუბნება სახელგანთქმული ფრანგი ფსიქიატრი და ფსიქოთერაპევტი ბორის ცირულნიკი.

ფრანგი ფსიქიატრი, ნეიროლოგი და ეთოლოგი ბორის სირულნიკი: "რიტუალიზებული საზოგადოებები უკეთ უწევენ წინააღმდეგობას უბედურებას". ის აგრძელებს:

მე ვიტყოდი რომ ბედნიერება არის კარგი საათი. დრო და დრო ჩვენ  ცხოვრებას ვართმევთ კეთილდღეობის, ეიფორიის მომენტს, მოკლედ ეს არის კარგი დრო. ესაა  სწრაფად წარმავალი ემოცია რომელსაც არაფერი აქვს ხანგრძლივი.

ბედნიერების განცდის გამოწვევა ადამიანში შეიძლება მისი ტვინის ზოგი ნაწილის სტიმულირებით და ტვინის სხვა ნაწილების დაბუჟება-გათოშვით. 

მაგრამ ჩვენ არ ვიცით თუ რატომ გრძნობს ადამიანი ამ შემთხვევაში თავს ბედნიერად.

სხვათა შორის ბედნიერების განცდის გამოწვევა შეუძლიათ  სიმსივნეებსაც და ქიმიურ ნივთიერებებსაც, მაგალითად კოკაინს, მორფინს, ალკოჰოლს. მათ შეუძლიათ უმიზეზო ბედნიერების შეგრძნების გამოწვევა.

მუჰამედ ემინ რასულზადე,პანთურანიზმი და კავკასიის პრობლემა

ამ კაიკაცის მიერ 1930 წელს პარიზში ნათქვამი ეს სიტყვები კარგად ასახავს საბჭოთა დემოკრატიის, გორბაჩოვ-სახაროვის და მათი მემკვიდრეების ბუნება-პოლიტიკასაც. ვერავითარი ვითომლიბერალური ფრაზები ვერ დამალავენ იმ ფაქტს რომ რუსეთის იმპერიალისტებს არ სურთ უარის თქმა მათი წინაპრების მიერ დაპყრობილ მიწებზე და, პირიქით, ფიქრობენ ნებისმიერი საბაბით ახალი მიწების შეძენაზე!...

მამედ ემინ ახუნდ ჰაჯი მოლა აკეკპერ ოღლი რასულზადე //1884-195//, სახელგანთქმული აზერბაიჯანელი სახელმწიფო, პოლიტიკური და საზოგადო მოღვაწე, 1918 წელს აზერბაიჯანის ეროვნული საბჭოს თავმჯდომარე.

მუჰამედ ამინ რესულზადეს მიერ 1930 წელს პარიზში კავკასიელი,უკრაინელი და თურქესტანელი ემიგრაციისთვის წაკითხული მოხსენება  პანთურანიზმი და კავკასიის პრობლემა:

ველიკოდერჟავნიკების დემაგოგია: 
რუსული პრესის ერთმანეთისადმი მტრულად განწყობილმა ბანაკებმა ბოლო დროს საკმაოდ ერთხმად და მეგობრულად დაიწყეს ლაპარაკი რუსეთისთვის საშიშ პანთურანულ მოძრაობაზე რომელიც რუსეთს ემუქრება მისგან თურანული მიწების, ანუ თურქული რასის  ხალხების მიერ დასახლებული საბჭოთა კავშირის მიწების ჩამოშორებით. მით უმეტეს რომ ეს მიწები ადმინისტრატიულ-პოლიტიკური თვალსაზრისით გამოყოფილია განსაკუთრებულ ეროვნულ ერთეულებად.

პოლონეთის დროებითი ეროვნული მთავრობის განცხადება //1863//:

1863 წლის აჯანყების 

ღერბი - პოლონეთის,

ლიტვის და უკრაინის შეერთებული 

სიმბოლოები //მთავარანგელოზი 

მიხეილი//.

ტრაღიკული ევროპა - "ჩვენი ტრადიციული დევიზია თავისუფლება და ხალხთა ძმობა". 
//ამ განცხადების 150 წლისთავია და იმიტომ, სორი//.  

1863 წლის 22 იანვარი

დროებითი მთავრობის სახით მოქმედი ცენტრალური კომიტეტი

მის მიერ გატანჯული მსხვერპლის მიერ გაწეული წინააღმდეგობით გააფთრებულმა ლაჩარმა დამპყრობელმა მთავრობამ გადაწყვიტა მისი მსხვერპლისთვის მომაკვდინებელი დარტყმის მიყენება. მან მოინდომა ათიათასობით ყველაზე ვაჟკაცი და შეუპოვარ-მიზანდასახული დამცველის გატაცება, მათთვის მოსკოვური ფორმის ჩაცმა  და ათასობით და ათასობით მათგანის გადასახლება, სიღატაკისთვის და სიკვდილისთვის გაწირვა.

პოლონეთი ვერ აიტანს წინააღმდეგობის გარეშე  ძალადობის ამ ბინძურ აქტს. 

პოლონეთმა პასუხი უნდა აგოს შთამომავალთა წინაშე და ამიტომ მან უნდა გასწიოს ენერგიული წინააღმდეგობა.

მისი ვაჟკაცი, ერთგული, თავდადებული ახალგაზრდობის მასამ რომელსაც ასულდგმულებს სამშობლოს მგზნებარე სიყვარული, სამართლისა და ღვთის დახმარების ურყევი რწმენა დადო ფიცი რომ მოიშორებს წყეულ უღელს ან დაიღუპება. 

ბიბლიოფილებისთვის - ნორმან დეივისი გამქრალ სამეფოებზე

ცენტრალურ და აღმოსავლეთ ევროპაში, კერძოდ პოლონეთში ცნობილმა ისტორიკოსმა ნორმან დეივისმა დაწერა წიგნი "გამქრალი სამეფოები სანახევროდ დავიწყებული ევროპის ისტორია"  და დაასკვნა რომ  დედამიწის ყველა ამაყი იმპერია მიდის.

მისი თქმით ზოგი სახელმწიფო უფრო უხალისოდ აღიარებს ამას ვიდრე სხვები. ერები და ყოფილი იმპერიები განსაკუთრებით უხალისოდ აღიარებენ იმას რომ სინამდვილე იცვლება სწრაფად.

რატომ კვდებიან სახელმწიფოები?

ნორმან დეივისს მოჰყავს მრავალი სახელმწიფოს არსებობის დასრულების 5 შესაძლებელი "მექანიზმი"  შინაგანი აფეთქება, დაპყრობა, შერწყმა, ლიკვიდაცია და ბავშვთა სიკვდილიანობა. 

 ყოველი  "მექანიზმი" გაანალიზებულია ევროპულ სახელმწიფოთა მაგალითებზე. ზოგი მაგალითი უახლეს ისტორიას ეკუთვნის, სხვები არავის ახსოვს.

ლაგოდეხელ მლოკოსევიჩს გაუმარჯოს !!!

პოლონელი შლიახტიჩები მლოკოსევიჩების შთამომავალი.1830 წლის პოლონეთის აჯანყების მონაწილე გენერალი ფ.მლოკოსევიჩის ვაჟიშვილი ლ.მლოკოსევიჩი რომანოვებმა გადაასახლეს კავკასიაში და დაავალეს კავკასიელებთან ომი და მათი ხოცვა. მაგრამ მლოკოსევიჩმა დაიმსახურა კავკასიელების სიყვარული და მოდით გავარკვიოთ თუ რითი და რატომ.

2011 წლის 17 მაისს დაღესტანის ტლიარატის რაიონში, ახლოს საქართველოს საზღვართან, იქ სადაც ექსპედიციის დროს 1909 წელს გარდაიცვალა კავკასიის ბუნების დიდი მკვლევარი და ცნობილი ორნიტოლოგი ლიუდვიგ ფრანცის ძე მლოკოსევიჩი დააყენეს სამახსოვრო დაფა. ესაა ფედერალური ნაკრძალი "ტლიარატინსკის" ტერიტორია. მას განაგებს სახელმწიფო ბუნებრივი ნაკრძალი "დაგესტანსკი".

ლ.ფ. მლოკოსევიჩი დაიბადა 1831 წლის 25 აგვისტოს ვარშავაში, პოლონელი არისტოკრატის ოჯახში. მე-19 საუკუნის მეორე ნახევარში ის დასახლდა ლაგოდეხში და თავისი ცხოვრება მიუძღვნა ბუნების კვლევას და დაცვას.

მან აღმოაჩინა კავკასიის ფლორას და ფაუნის 60-ზე მეტი ახალი სახეობა რომელთა შორისაცაა ელდარის ფიჭვი, მლოკოსევიჩის პიონი, კავკასიის სალამანდრა და კავკასიის როჭო.

ქალაქები ადამიანს აგიჟებენ!!! შიზოფრენია არაა შორს...

http://www.priroda.su/item/2272
Жизнь в городах нас сводит с ума20.07.11Раздел: Человек Автор: Alexey

Homo Urbanicus.

ქალაქებში ცხოვრება აგიჟებს

დედამიწის მკვიდრთა 50 პროცენტი უკვე ცხოვრობს ქალაქებში და 2050-ან წლებში "ქვის ჯუნგლებში" იცხოვრებს ჩვენი პლანეტის მცხოვრებთა 70 პროცენტი.
ქალაქები Homo sapiens-ს აძლევენ მრავალ უპირატესობას. უკეთეს სამედიცინო მომსახურებას, განათლებას, ფინანსურ კეთილდღეობას. ცხოვრება ქალაქებში უფრო ენერგოეფექტურია.

მაგრამ ყველაფერს ამქვეყნად აქვს თავისი დადებითი და უარყოფითი მხარეები და ყოველთვის გვიხდება რაღაცის მსხვერპლად გაღება. ქალაქებში ცხოვრებაც არაა გამონაკლისი.

ქალაქის მცხოვრებნი უფრო ხშირად ავადმყოფობენ ავადმყოფობათა გარკვეული სახეობებით //გასუქება,სუნთქვის ორგანოთა დაავადებები, ფსიქიური ავადმყოფობები//. უფრო დაწვრილებით შევჩერდებით სწორედ ფსიქიურ ავადმყოფობებზე.

ანდრე მორუა და ლ.ვ.კორნილოვა სენტ ეგზიუპერის შესახებ,აფორიზმებიც

ანდრე მორუა და ლ.ვ.კორნილოვა სენტ ეგზიუპერის შესახებ 

"თქვენ გაძღომის ეგოიზმს უძახით სიყვარულს. სიყვარული კი იწყება იქ სადაც არაფერს ელიან სამაგიეროდ".

ეს ანდრე მორუაა

ანდრე მორუა (ფრ. André Maurois,ნამდვილი სახელი н ემილ სალომონ ვილჰელმ ერზოგ,, Émile-Salomon-Wilhelm Herzog, 1885—1967), ფრანგი მწერალი და ფრანგული აკადემიის წევეი,მისი ფსევდონიმი შემდეგ იქცა მის ოფიციალურ სახელად.

ანდრე მორუას წიგნი მონტენიდან არაგონამდე:
თავი ანტუან დე სენტ ეგზიუპერი //თარგმანი 1983 წელს გამოცემული რუსული თარგმანიდან, შემოკლებით//:

ავიატორი,სამოქალაქო და სამხედრო მფრინავი,ესეისტი და პოეტი ანტუან დე სენტ ეგზიუპერი ვინის,სტენდალის,ვოვენარგის შემდეგ,მალროსთან.ჟიულ რუასთან და რამოდენიმე ჯარისკაცთან და მეზღვაურთან ერთად ეკუთვნის საფრანგეთის მიერ გაჩენილ მოქმედების ფილოსოფოსთა მცირერიცხოვან ჯგუფს. 

კიპლინგისგან განსხვავებით ის არ ყოფილა მარტო აღფრთოვანებული მოქმედების ადამიანებით. კონრადის მსგავსად ის თვითონ მონაწილეობდა საქმეებში რომლებიც აღწერა. ათი წლის მანძილზე ის დაფრინავდა ხან რიო-დე-ოროს,ხან ანდების კორდილიერების თავზე. ის დაიკარგა უდაბნოში და ის გადაარჩინეს ქვიშათა მფლობელებმა. ერთხელ ის ჩავარდა ხმელთაშუა ზღვაში. მეორედ დაეცა გვატემალას მთების ჯაჭვზე.

ესეც ევროპაა - უკომპრომისოდ რომანტიული ჟაკ ბრელი

პიროვნებათა გალერეიდან - ჟაკ ბრელი 

თქვენი მხრების დამამსხვრეველი დროის საშინელი ტვირთის ასატანად მუდამ უნდა იყოთ მთვრალი ღვინით, პოეზიით ან სათნოებით. დათვერით!
(ბოდლერის აფორიზმებიდან).

// Reuters

ამბობენ რომ ჟაკ ბრელი არ ყოფილა წმინდანი, ის რთული ადამიანი იყო, მაგრამ მისი გახსენებისას მის მეგობართა უმრავლესობა ტიროდა. 

(Этот человек не был святым; тем, кому выпал жребий жить с ним рядом, а не восторгаться издалека, порой приходилось очень нелегко. Он был властен, резок, не всегда справедлив, он мог запросто обидеть человека - и все же большинство его друзей плакали, вспоминая о нем.)

ბუნებით მოჯანყე ჟაკ ბრელი ვნებებით ცხოვრობდა და მიზნისკენ ისეთი ენთუზიაზმით მიისწრაფოდა თითქოს ზუსტად იცოდა თუ რამდენი უნდა მოესწრო ამქვეყნიური ცხოვრების მანძილზე. 

თავისი 48 წელი მან 48 საათივით გაატარა და დაგვტოვა იმ შემაშფოთებელი და იმედით სავსე აზრით რომ ყოველ ადამიანში არის ბრელის ვულკანური პოტენციალი.

50 წელიც არ უცხოვრია, მაგრამ იყო პოეტი, კომპოზიტორი, მომღერალი, მფრინავი, ზღვაოსანი, კინომსახიობი, რეჟისორი, სამი ქალიშვილის მამა.

ამ უეჭველ ვარსკვლავს გაბატონებული მოდის საწინააღმდეგოდაც დედამიწის ნებისმიერ ადგილას შეეძლო საკონცერტო დარბაზების გავსება.

ჟაკ ბრელი დაიბადა 1929 წლის 8 აპრილს ბრიუსელში, შეძლებული ფაბრიკანტის ოჯახში. ბელგიას იმ დროს ჰქონდა მნიშვნელოვანი კოლონიები და პატარა ბიჭი ყურადღებით უსმენდა მამამისის მოთხრობებს აფრიკაში თავგადასავლების შესახებ.

ოქროს საწმისის ორდენი, "არგონავტი" ანდრეი ბელი

ანდრეი ბელი - არგონავტი: ჯერ ცხვრის, ვერძის და ოქროს საწმისის სიმბოლიზმზე:

ანდრეი ბელი 1913 წ. //იტარ-ტასი//

ოქროს საწმისი თავიდან ითვლებოდა ნაყოფიერების და კეთილდღეობის სიმბოლოდ.

მითებში არგონავტების შესახებ ოქროს საწმისი მისი კეთილისმყოფელი ძალის გაზრდის მიზნით ჩამოჰკიდეს წმინდა ჭალაში მდგარ მუხაზე. მას იცავდა გველეშაპი.

შემდეგ ოქროს საწმისი გახდა უმაღლეს ღირებულებათა სიმბოლო.

ცხვარი არის უმანკოების,მსხვერპლის განსახიერება და უმაღლესი სულიერების სახე.

ამიტომ არგონავტების ლაშქრობა ოქროს საწმისისთვის განიხილება როგორც სულის განწმენდის გზით სულიერი სიდიადის მოპოვება.

1278 წელს დაარსებული ოქროს საწმისის ორდენი არის უმაღლესი გმირობისა და კეთილშობილების ორდენი.

ცხვარის სახეში ერთმანეთს ერწყმის ნაყოფიერებისა და მსხვერპლის სიმბოლიკა.

მზესთან და ნაყოფიერებასთან დაკავშირებული ცხვარი აგრეთვე არის ბუნების შემოქმედებითი პირველქმნილი ძალის განსახიერება.

ოქროს ვერძი სამეფოთა გაყოფის შემდეგ იყო იზრაელის ტაძრებში. ის განასახიერებდა ღმერთის ყოფნას, ისევე როგორც ქერაბინები იერუსალიმის იუდაურ ტაძრებში.

ბურლიუკების და მარინეტის პერესტროიკა:

ცათამბჯენებიდან რუსთაველისკენ და ილიასკენ ქედმაღლურად მაფურთხებელ ლადო მაიაკოვსკიზე და მის ძმაბიჭებზე  - "გადავყაროთ პუშკინი და და ტოლსტოი თანამედროვეობის გემიდან, ჩუმად ორატორებო ჩუმად, ეხლა თქვენია სიტყვა ამხანაგო მაუზერ!", ბღაოდა ფუტურისტი ლადო მაიაკოვსკი. არ გამოგაფუტურისტოთ ღმერთმა!

არ გამოგაფუტურისტოთ ღმერთმა!

http://www.inpearls.ru/comments/725
ერთხელ მაიაკოვსკისთვის უკითხავთ "ქართველებში ქართველი ვარ, რუსებში რუსი ვარ" და დურაკებში ვინ ხართო მაიაკოვსკი არ დაბნეულა და უპასუხია, "ჯერ არ ვიცი,დურაკებში პირველად ვარ". 
რუსული ფუტურიზმის ერთ-ერთი ფუძემდებელი დავიდ დავიდოვიჩ ბურლიუკი დაიბადა 1882 წელს ხარკოვის გუბერნიის სემიროტოვშჩინას ხუტორში, გარდაიცვალა 1967 წელს ლონგ-აილენდში, ამერიკის შეერთებულ შტატებში.

ალეკსეი კრუჩიონიხი თავის მოგონებებში "ჩვენი გამოსვლა" იხსენებს:

"მოსკოვი, 1912 წლის დეკემბერი, თითქოს ბურლიუკთან შევიკრიბეთ. ვწერდით დიდხანს, ვდავობდით ყოველი წინადადების, სიტყვის, ასოს გამი.

მახსოვს რომ შევთავაზე გადავაგდოთ ტოლსტოი, დოსტოევსკი, პუშკინი". მაიაკოვსკიმ დაამატა: "თანამედროვეობის გემიდან". 

საინტერესო თანამედროვეთა გალერეიდან - ლევ კოპელევზე, ბოგატირიოვზე და ა.შ.:

ეს ლევია

"ზვიად გამსახურდიას ვიცნობ როგორც ნიჭიერ ლიტერატორ-მთარგმნელს და ინგლისურენოვანი ლიტერატურის სერიოზულ მეცნიერ მკვლევარს, ისევე როგორც კეთილშობილ ადამიანს და მაღალი მოქალაქეობრივი სიმამაცის მქონე პატრიოტს", 1978 წლის 9 იანვარი //ლევ კოპელევი//.

გამომძიებელ ს.დ. ბალაშოვს

ლევ ზალმანის //ზინოვის// ძე კოპელევისგან,

დავიბადე 1912 წ.ქ.კიევი, ებრაელი

მშობლიური ენა რუსული, მოსკოვი, A-319, წითელარმიელთა,29,ბინა 59

1. უწყება, რომლითაც მოწმედ გამომოძახეთ, მე მივიღე მხოლოდ საღამოს იმავე დღეს //ის არასწორად იყო გაგზავნილი სხვა საფოსტო განყოფილებაში//. უწყებას ეწერა "განმეორებით ", მაგრამ ადრე ასეთი უწყება არ მიმიღია. 

2. გპასუხობთ კითხვებზე რომლებიც დამისვით დღეს, 1978 წლის 9 იანვარს/

3. ზვიად გამსახურდიას ვიცნობ როგორც ნიჭიერ ლიტერატორ-მთარგმნელს და ინგლისურენოვანი ლიტერატურის სერიოზულ მეცნიერ მკვლევარს,ისევე როგორც კეთილშობილ ადამიანს და მაღალი მოქალაქეობრივი სიმამაცის მქონე პატრიოტს.

4. ამიტომ მე მტკიცედ მწამს რომ გამსახურდიას დაპატიმრება და დევნა ზიანს აყენებს ჩვენი სახელმწიფოს პრესტიჟს და ამით საერთაშორისო შეთანხმებებს ადამიანის უფლებათა შესახებ, შეთანხმებებს რომლებსაც ხელი მოაწერა ჩვენმა ქვეყანამაც.

პირველ ბოლშევიკ შეჩვენებულ და "ანც" პეტრე პირველზე და მის პერესტროიკაზე:

"ინგლისური თავისუფლება აქ უადგილოა, როგორც კედლისთვის ცერცვის შეყრა...."// პირველი ბოლშევიკი პეტრე პირველი//

„როგორ არის ჩვენი პატარა ანცი“- ამ სიტყვებს ამოიკითხავთ კახეთის მეფის, არჩილ მეორეს, მიერ დედოფალ ნატალიასთვის გაგზავნილ წერილში.ეს პატარა ანცი მომავალი პეტრე პირველი უნდა ყოფილიყო...

"პეტრე პირველი მარტო პირველი რუსი ინტელიგენტი კი არა, პირველი რუსი ნიჰილისტიცაა... რა არის პეტრე? სასწაული თუ ურჩხული?..."

//დმ. მერეჟკოვსკი, "მომავალი ქამი", 1905//
პეტრე პირველი - პირველი ქართველი რუსეთის სათავეში?
http://www.georoyal.ge/?MTID=4&TID=3&id=590

ერთ-ერთი და ყველაზე გავრცელებული მოსაზრების თანახმად, ახალგაზრდა დედოფლის საყვარელი ქართველი უფლისწული ერეკლე გახლდათ, რომელიც რუსეთის პირველი იმპერატორის მამად მიიჩნევა. ქართველი უფლისწული ერეკლე, რომელიც, მოგვიანებით, ქართლ-კახეთის მეფე ერეკლე პირველი გახდა, რუსეთის კარზე აღიზარდა და დედოფლის სიყვარულთან ერთად, რუსი დიდგვაროვნების პატივისცემასაც იმსახურებდა. სიტუაცია შეიცვალა 1674 წელს. პეტრე პირველის დაბადებიდან 2 წლის შემდეგ, ქართველ უფლისწულს რუსეთი დაატოვებინეს. საქართველოში დაბრუნებული უფლიწული 1675 წელს ქართლ-კახეთის მეფე გახდა. 

"გიჟ" ვან გოგს 160 წელი შეუსრულდა და გილოცავთ:

ვინსენტ ვან გოგი, ავტოპორტრეტი 

Фото: ИТАР-ТАСС

გავიხსენოთ ისინი ვისაც დარტყმულები უძახიან გიჟებს - ვან-გოგი, ვრუბელი, კამილ კლოდელი, მუნკი, ედგარ პო...

"არაფერია ადამიანთა სიყვარულზე უფრო მხატვრული" ,"ბოლოს და ბოლოს მოგვბეზრდება ცინიზმი, სკეპტიციზმი, მასხარაობა და მოგვინდება უფრო მუსიკალურად ცხოვრება" //ვინსენტ ვან გოგი//.

ბოლო ორიოდე საუკუნეა რაც სიგიჟის და გენიას ცნებები თითქმის სინონიმები გახდა, უნიჭო ობივატელები თავის უნიჭობას და მუდრეგობას ნიღბავენ ჯანმრთელი ფსიქიკით.

და ფსევდოგენიოსი, პირიქით, თავის ექსცენტრულობას ასაღებს ნიჭად.
ამაზე კიდევ ერთხელ გვაფიქრებს ვან გოგი რომელსაც ეხლა უსრულდება 160 წელი.

მასობრივ ცნობიერებაში თითქმის ყოველი დიდი გიჟია და მისი იგიჟე ითვლება რაღაც აუცილებლად-სიგიჟის გარეშე ვერც იქნებოდა ესოდენ შთამბეჭდავი ქმნილებები.

ამ თეორიას აქვს არსებობის უფლება.
მეცნიერებისთვის წარსულ ხანათა გენიოსების მემკვიდრეობა არის წყარო მეცნიერული გამოკვლევებისა რომლებიც გვიჩვენებენ შემოქმედების კავშირს ფსიქიურ დაავადებებთან //ბიპოლარულ აფექტურ აშლილობასთან და დეპრესიასთან//.

იყო და არის ამბროსი ხელაიაც:

"სული ჩემი ღმერთს ეკუთვნის, გული ჩემი სამშობლოს, მძორი, ჯალათებო – თქვენ და რაც გინდათ ის უყავით მას".

ამბროსი ხელაიაზე და საქართველოს წინ მდგარ ზოგ გამოწვევაზე:
სახელგანთქმული ბრიტანელი ისტორიკოსი არნოლდ ტოინბის //1889-1975// თანახმად ღმერთი//ბუნება// ადამიანს უგზავნის გამოწვევას. თავისი პასუხით ამ გამოწვევაზე ადამიანი და მის მიერ შექმნილი ცივილიზაცია წყვეტს მის წინაშე მდგარ ამოცანას და ამით საკუთარი თავი გადაჰყავს უფრო სრულყოფილ მდგომარეობაში.

რაც უფრო ძლიერია გამოწვევა მით უფრო ორიგინალურია და შემოქმედებითია პასუხი.
თუ კი არ არსებობს გამოწვევა არ არსებიბს სტიმული საზოგადოების ზრდისთვის და განვითარებისთვის.

მაგრამ ის საზოგადოება რომელიც ვერ აძლევს პასუხს გამოწვევას განწირულია განიცდის დეგრადაციას, დაქვეითება-დაკნინებას, ეცემა.

გიორგი ქავთარაძე: საქართველო, კავკასიონი და გეოპოლიტიკა - წარსული და თანამედროვეობა

ივ. ჯავახიშვილის სახელობის ისტორიისა და ეთნოლოგიის ინსტიტუტი

გიორგი ქავთარაძე

ევრაზიის კონტინენტზე კავკასიის ცენტრალური მდებარეობა ადვილად შესამჩნევია განსაკუთრებით მკაფიოდ ეს ორ (შავ და კასპიის) ზღვას შორის მისი განლაგებით არის გამოკვეთილი. კავკასიის ცენტრალური მდებარეობა თითქოს თავისთავად უნდა განაპირობებდეს მის დანიშნულებას, ყოფილიყო მსოფლიოს ერთ-ერთ უმნიშვნელოვანესი გზაჯვარედინი; თუმცა, კავკასიის შუაგულში მსოფლიოს ერთ-ერთი უდიდესი წყალგამყოფის – კავკასიონის მთავარი მთაგრეხილის არსებობა, უფრო აშორებდა, ვიდრეა ახლოებდა ერთმანეთთან ამიერკავკასიასა და იმიერკავკასიას, ისევე როგორც მათ გადაღმა მდებარე ახლო აღმოსავლეთისა და ცენტრალური ევრაზიის შორეულ სივრცეებს. თუმცა, ურთიერთობისა თუ ურთიერთბრძოლის იმანენტური მოთხოვნილება ადამიანებს თითქოსდა გადაულახავ მთაგრეხილებსაც კი გადაალახვინებდა; ეს ძველთაგანვე ძირითადად ზეკარებისა თუ უღელტეხილების მეშვეობით ხდებოდა. კავკასიონთან მიმართებაში, განსაკუთრებით მნიშვნელოვანი იყო ქედის ცენტრალური უღელტეხილი – დარიალის კარიბჭე, რომელსაც კლასიკური ხანის წერილობით წყაროები ძირითადად ,,კავკასიისა” თუ ,,კასპიის კარის” სახელით მოიხსენიებენ. ამ კარიბჭის გამორჩეული ადგილი ძველი სამყაროს პოლიტიკურ ცხოვრებაში იმთავითვე კარგად იყო ცნობილი. 

საქართველოს და ჩრდილოეთ კავკასიელი ხალხის ურთიერთობა ტყობა-ერდის ეკლესიის მაგალითზე

http://www.dzeglebi.ge/statiebi/istoria/tyoba_erdi.html
ტყობა-ერდის ეკლესია
(საქართველოს და ჩრდილოეთ კავკასიელი ხალხის ურთიერთობა ტყობა-ერდის ეკლესიის მაგალითზე)

კავკასიური ერთობის, თარგამოსისაგან კავკასიის მთელი მოსახლეობის წარმომავლობის იდეა ქართველთა ცნობიერებაში `ქართლის ცხოვრებით” მკვიდრდება. რვა ღვიძლი ძმის შთამომავალთ, რომლებიც კავკასიონის როგორც ჩრდილოეთ, ისე სამხრეთ ნაწილში დასახლებულან, მთების სიმაღლე ხელს ვერ უშლიდათ, არა მხოლოდ კეთილად ემეზობლათ, არამედ მტერთა წინააღმდეგ ბრძოლაში საერთო ძალით გამოსულიყვნენ. ამ ხანგრძლივი ურთიერთობის კვალი შთამბეჭდავადაა ასახული ტოპონიმიკაში, ეთნოლოგიაში, ფოლკლორში და სხვა. [ჯანელიძე, 2003, 22] ბედის თანაზიარებლობასთან ერთად, ქართველებისა და კავკასიელი ხალხების დამახასიათებელი თავისუფლების სიყვარული, ვაჟკაცობა, სიტყვის გაუტეხლობა, ძმადშეფიცვის ტრადიცია იყო ის განსაკუთრებული ფენომენი, რომელიც კავკასიურ ერთობას მაცოცხლებელ იმპულსს სძენდა.

ბოლშევიკებისთვის საშიში ბიბლია საბჭოთა კავშირში//1956-91 წწ.//.

მარკ შაგალი.მოსე იღებს ათ მცნებას

ბოლშევიკებმა რელიგიური ლიტერატურის გამოცემა აკრძალეს 1920-ანი წლების ბოლოს. სტალინის ხანაში ბიბლიის სახლში ქონა შეიძლებოდა ჩაეთვალათ იატაკქვეშა ანტისაბჭოთა რელიგიურ ორგანიზაციებში მონაწილეობის მოწმობად რასაც შესაბამისი შედეგებიც მოყვებოდა.

1946 წელს შექმნეს მოსკოვის საპატრიარქოს საგამომცემლო განყოფილება.

10 წლის შემდეგ, 1956 წელს მან მოახერხა საბჭოთა კავშირის ტერიტორიაზე მის ომის შემდგომ საზღვრებში რუსულ ენაზე ბიბლიის გამოცემა. ეს იყო ბიბლიის პირველი გამოცემა ბოლშევიკების ხელში.

მაგრამ ნურას უკაცრავად, საბჭოთა კავშირის ჩვეულებრივ მოქალაქეს ბიბლიის ყიდვა არ შეეძლო ეკლესიებშიც კი. გამოყოფდნენ ეგზემპლართა დიდად შეზღუდულ რაოდენობას და ამ ეგზემპლარებს "თავისიანებში" არიგებდნენ. ბიბლიის გარკვეული რაოდენობა ხვდებოდა საბჭოთა კავშირში ოფიციალურად არსებულ მართლმადიდებელ ეკლესიებსაც.

მაგრამ ბიბლია რეალურად ხელმისაწვდომი იყო მხოლოდ ერთეულებისთვის.
ბიბლიის ეგზემპლარის შოვნა თავისთვის ხშირად არ შეეძლოთ სწავლების პირველი კურსების სემინარისტებსაც.

ვიცნობდეთ მეზობლებს - რუსი ნაციონალისტი, წარმოშობით გერმანელი ლიბერალი სტრუვე

პ. ბ. სტრუვე

"ჩვენი დროის და მომავალი თაობების ცხოვრებუსეული, სასიცოცხლო საქმე უნდა კეთდებოდეს ერის დროშით და სახელით" 

//პ.ბ. სტრუვე//.

სტრუვეს არქივის და კორესპონდენციის მფლობელი.მასზე კაპიტალური ნაშრომის ავტორი რიჩარდ პაიპსი ამტკიცებს რომ სტრუვეს ინტელექტუალური ბიოგრაფიის ერთ-ერთი ურყევი ბურჯი იყო ნაციონალიზმი, თუმცა დანარჩენში მისი პოლიტიკური და სოციალური შეხედულებები თანდათანობით იცვლებოდა.

აი პეტრე ბერნგარდის ძე სტრუვეს ცხოვრებისეული გზის ძირითადი ეტაპები

1870 წ. დაიბადა პერმის გუბერნატორის ოჯახში, ასტრონომი ვ.ი. სტრუვეს შვილიშვილი, გერმანული არისტოკრატული გვარის შთამომავალი.

1884 წელს,14 წლის სტრუვემ თავის დღიურში ჩაწერა შემდეგი სიტყვები:
"მე მაქვს ჩამოყალიბებული პოლიტიკური შეხედულებები. ვარ აკსაკოვის, იური სამარინის და სლავიანოფილთა ბრწყინვალე ფალანგის მომხრე.

მე ვარ ნაციონალ-ლიბერალი, ნიადაგის ლიბერალი და მიწის ლიბერალი. ჩემი ლოზუნგია თვითმპყრობელობა. მაგრამ მე მაქვს კიდევ ერთი ლოზუნგი: ძირს ბიუროკრატია და გაუმარჯოს სახალხო წარმომადგენლობას სათათბირო უფლებით

//გადაწყვეტილების მიღების უფლება აქვს თვითმპყრობელს//".

აზერბაიჯანელი მხატვარი ვიუსალ რეინი

ქალაქი - ფრანკფურტი მაინზე, ბაქო, მოსკოვი, გერმანია, აზერბაიჯანი.

დაიბადა 1987 წლის 8 ივნისს სუმგაიტში.
2007 წელს დაამთავრა ა. აზიმზადეს სამხატვრო კოლეჯი ბაქოში.
გამოფენებში მონაწილეობს 2008 წლიდან.

პერსონალური გამოფენა İşıq və Günəş" (სინათლე და მზე) 2011, სახელმწიფო სამხატვრო გალერეა, ქ. სუმგაიტი.

ნამუშევრები არის კერძო კოლექციებში რუსეთში, აზერბაიჯანში, თურქეთში, იტალიაში, სამხრეთ კორეაში და სხვ.

ბედნიერად დაქორწინებული.
ფერწერა ჩემთვის ყველაფერია, ისაა რაზეც ვერასდროს და ვერაფრის გულისთვის ვერ ვიტყვი უარს. ჩემი ფერწერა პატიოსანი ფერწერაა. ვხატავ იმას რასაც ვაფასებ და რაც მიყვარს. ვხატავ სხვადასხვა საგნებს,სახლებს,ისე როგორც მომინდებოდა მათი დანახვა. თუმცა ისინი უკვე არიან ისეთები როგორებსაც მათ ვხატავ... 

ძველ ლამაზ ბაქოს ქართველებიც ამშვენებდნენ:

ძველი ბაქოს ერთ-ერთი აღიარებული

 "დედოფალი" ელისაბედ გრიგოლის ასული ნაგიევა.

Елизавета Григорьевна Нагиевa

Бакинский грузинский дамский кружок 
Председательница - кн. Дадиани Тамара Гр.
Заместительница - Квиташвили Марта Платоновна

Грузинский литературно-художественный кружок
Председатель - Каландарашвили В.
Секретарь - Кетхеладзе Г.

http://www.ourbaku.com/index.php5/Бакинские_благотворительные_общества_
Источник: "Кавказский календарь на 1917 год"

ძველ და ლამაზ ბაქოში ბოლშევიკების გამარჯვებამდე ყველა სიკეთესთან ერთად იყო მანდილოსანთა ქართული წრე //თავმჯდომარე თამარ გრ. დადიანი. მოადგილე-მართა პლატონის ასული კვიტაშვილი. იყო ქართული ლიტერატურულ-მხატვრული წრეც.თავმჯდომარე ვ.კალანდარიშვილი.მდივანი გ. კეთხელაძე და ა.შ.//

http://sara-ashurbeyli.info/article.php?num_a=192
ფუად ახუნდოვი, ძველი ბაქოს ლედი - მანდილოსნები
ერთ-ერთი ყველაზე ძლევამოსილი ბაქოელი ბურჟუა აღა მუსა ნაგიევის მეუღლე ელისაბედ გრიგოლის ასული //წარმოშობით ქართველი// ითვლებოდა ძველი ბაქოს ერთ-ერთ ულამაზეს და თვალისმომჭრელ მანდილოსნად, მას არაერთხელ გაუოცებია ბაქოს ელიტარული და არისტოკრატული წრეები თავისი სამოსის ბრწყინვალებით, დახვეწილობით, თვალშისაცემი გარეგნობით. ნაგიევის მმართველი ფატულა-ბეკი რუსტამბეკოვის საოჯახო არქივში არის ფოტო რომელზეც ელისაბედ გრიგოლის ძე ნაგიევა არის მანქანაში რუსტამბეკოვების და ვეზიროვების ოჯახებთან ერთად.

ესეც ევროპაა - ადამ მიცკევიჩი:

ე.ა. ბურდელი. ა. მიცკევიჩის პორტრეტი.
თაბაშირი. 1920. პოლონური
ბიბლიოთეკა. პარიზი.

მიცკევიჩი, ადამი (Mickiewicz, Adam) (1798–1855), პოლონელი პოეტი. დაიბადა 1798 წლის 24 დეკემბერს ნოვოგრუდკში //ეხლა ბელორუსია// წვრილი მემამულე შლიახტის ოჯახში. 1819 წელს დაამთავრა ვილნოს უნივერსიტეტი. 

1822 და 1823 წლებში გამოაქვეყნა ორი მცირე პოეტური კრებული რომლითაც იწყება რომანტიული მიმდინარეობა პოლონურ ლიტერატურაში.

1824 წელს აქტიური მონაწილეობისთვის პოლონურ პატრიოტულ ორგანიზაციებში ის გაასახლეს რუსეთში. ცხოვრობდა ოდესაში, მოსკოვში და სანკტ-პეტერბურგში. 1829 წელს მიიღო დასავლეთ ევროპაში წასვლის ნებართვა.
რუსეთში მიცკევიჩმა დაწერა "ყირიმის სონეტები" (Sonety krymskie, 1826) და ებაირონის სულისკვეთების ეპიკური პოემა "კონრად ვალენროდი" (Konrad Wallenrod, 1828).

1829-1831 წლებში უპირატესად რომში მცხოვრებმა მიცკევიჩმა განიცადა სულიერი კრიზისი. ის გაიტაცა მისტიციზმმა. 

მან დიდი ენთუზიაზმის გარეშე სცადა შეერთება 1830-1831 წლების პოლონეთის აჯანყებასთან. 1832 წლიდან ის დასახლდა პარიზში, სადაც გაატარა ცხოვრების დარჩენილი წლების დიდი ნაწილი.

მასალები დელენინიზაციისთვის - დ.ს. მერეჟკოვსკი, ანტიქრისტეს სამეფო:

სახელგანთქმული რუსი მწერალი, პოეტი, ლიტერატურული კრიტიკოსი, მთარგმნელი, ისტორიკოსი, რელიგიური ფილოსოფოსი და საზოგადო მოღვაწე, რუსული სიმბოლიზმის ერთ-ერთი დამაარსებელი დმიტრი სერგეევიჩ მერეჟკოვსკიც //1866-1941//. პარიზში გარდაცვლილი ეს დიდი მოღვაწე რამოდენიმეჯერ წარადგინეს ნობელის პრემიაზე //რომელიც მას არ აღირსეს მაგრამ რომელიც მისცეს ასირ არაფატს, ბერიას თანამშრომელ ა. სახაროვს და მ. გორბაჩოვს//.

სადაც არიან რუსები არიან ისინიც ვისაც ახსოვს ყველაფერი რაც ეხლა ხდება რუსეთში, არა შემთანხმებლები, არა მოღალატეები, ბოლშევიკების შეურიგებელი მტრები.

გელაპარაკებით იმიტომ რომ მჯერა რომ თქვენს შორის ბევრია შეურიგებელი და მათი რაოდენობა გაიზრდება. ბოლშევიზმს ბოლო მოეღება და მესამე რუსეთი მაშინ იქნება როდესაც შეურიგებელი იქნება ყველა.

შეურიგებლობა-აი მესამე რუსეთში მიმავალი ერთადერთი გზა. ამ გზას აცდენილი ვერ მოხვდება მესამე რუსეთში. შერიგებულები ისჯებიან იმით რომ ვერ მოხვდებიან რუსეთში, არ ექნებათ მასში წილი.

შეურიგებლობა-აი მესამე რუსეთში მიმავალი ერთადერთი გზა. ამ გზას აცდენილი ვერ მოხვდება მესამე რუსეთში. შერიგებულები ისჯებიან იმით რომ ვერ მოხვდებიან რუსეთში,არ ექნებათ მასში წილი.

შერიგება შეიძლება სედარებით ბოროტებასთან.აბსოლუტურ ბოროტებასთან შერიგება დაუშვებელია. და თუ კი არის დედამიწაზე აბსოლუტური ბოროტების, ეშმაკის, განსახიერება ისაა ბოლშევიზმი.

«მამათქვენი ეშმაკია.ის იმთავითვე იყო კაცისმკვლელი, მატყუარა და ტყუილია მამა". ეშმაკის შვილი ბოლშევიკები არიან იმთავითვე მატყუარები და კაცისმკვლელები. ტყუიან და კლავენ. ტყუილს მალავენ მკვლელობით, მკვლელობას მალავენ ტყუილით. რაც უფრო მეტს ტყუიან მით უფრო მეტს კლავენ. უსასრულო ტყუილი-უსასრული კაცთმკვლელობა.